Flasking av første brygg

Flaskedag. Første brygg. Kan det bli betre? Her var det klart for blondiner, lederhosen, bierstube musik og klirrande flasker. Nå hadde ikkje blondinene anledning (madammen og svigermor), lederhosen var til press og iPaden var utlada. Klirrande flasker derimot blei det. Nabo, Hans Eivind, erstatta blondinene, og med det var produksjonsrekka komplett.

Ølet er klart for å tappast over til bøtte med kran. 1,010 FG, som gir ABV på 5,9% i følgje Grainfather appen min.

IMG_1333

Første trinn er å desinfisere alt. Flasketre med flaskevaskar er kjekt å ha i eit slikt tilfelle.

IMG_1331

Flasketreet var snart fylt med nødvendig antall flasker.

IMG_1335

Neste steg er å få ølet over i eit gjæringsbøtte med kran slik ein kan bruke ein flaskefyllar til sjølve flaskinga. Her er det viktig med hygiene i alle ledd, og StarSan blir brukt flittig på alle deler som skal i kontakt med ølet. Når ein startar å føre over ølet til den nye bøtta, tilset ein sukkerlake. (Ca 6 g pr liter øl.) Dette gir ei gjæring i flaska for å få karbonering av øla.

IMG_1336

Når ein har fått over all den klare øla er det berre å starte flaskinga. Her er det greitt med ein skikkelig arbeidsbenk, men ein frå ÅRIM får duge i nauda.

IMG_1341

Når ein er midt i tappinga så er det greitt å vere to. Ein til å fylle å ein til å korke. Hans Eivind korkar for harde livet. Hugs å desinfiser korkene og!

IMG_1342

Mykje hardt arbeid gir klirrande resultat. Då skal desse kose seg i romtemperatur i 14 dagar før det er klart for prøvesmaking.

IMG_1345

Etikett må ein sjølvsagt ha.

FeilNotFilev1

#2 Julefantasi. Første vers.

Etter ei rask samanlikning av juleøloppskrifter med jobbkollega Knoll, fann vi ut at vi hadde bryggja om lag same juleølet. Dette blir Brew-off. East coast vs West coast. Sambryggeriet mot DjupdalsBrygg. Bedre Jul mot Julefantasi (vers 1 og 2). 50 brygg mot 2 brygg. Regner med ein enkel siger her.

IMG_1322

Den som har vore i kyrkje 2. juledag i Stordal dei siste 50 år, har hatt gleda av å høyre Stordal Hornmusikk spele Julefantasi. No skal det seiast at tradisjonen måtte vike for nokon år sidan, då Julefantasi kanskje ikkje var det mest vellukka potpurri av julesongar. Håpet er at min Julefantasi endar med betre komposisjon, og utan sure notar.

Oppskrift:

Forventa min OG: 1.060

Forventa FG: 1.015

Batchvolum: 23 liter

Korn:

Belgian Pale Malt: 4,7 kg (77%)

Amber Malt: 0,5 kg (8%)

Belgian Cara 20 Malt: 0,4 kg (7%)

Caramel/Crystal Malt 120 L: 0,4 kg (7%)

Belgian Chocolate Malt: 0,08 kg (1%)

Humle:

90min:

40 gr Golding

15 min:

20 gr Golding

0 min:

30 gr Golding

Gjær:

2 pakker S-04 tørrgjær

Koking: 90 min

Mesking:

60 min: 65 grader

10 min: 75 grader

Gjæring: 14 dager på 18 grader

IMG_1319

Eg hadde fokus på å få opp OG denne gongen, og med riktig volum av vatn, betre røring ved tilsetjing av korn, samt at eg trykte ned rista før skyljing så enda eg på 1.060. Ikkje helt topp, men innanfor. Juleølet skal modast ei stund så det var greitt å få i land første vers. Eg har eit sett til, og det blir tatt så snart det blir ledig kapasitet i gjæringsskapet.

IMG_1328

Bergenstur

Batman has the Batmobile, I got the Brewmobile.

IMG_1314

Ein må som kjent ha noko å fylle ølet i, og sidan Vinbua ikkje hadde flasker inne, blei madammen og eg einige om at ein Bergenstur kunne vere ein kjekk ting. Vi kom fram til Bergen seint fredag. Då blei det naturleg nok TGI Friday. Jack Daniels kylling er jo som kjend aldri feil på ein fredagskveld. Etter ein god frukost starta jobben med å fylle Granitten. Først ute var madammen med ein runde på diverse senter, før turen bar til Sotra. Eg hadde avtalt med Rune på Hobbybryggern at eg kunne hente flasker, corneliusfat, growlere, humle og kit på laurdag. Full bil, nøgde reisande og ein klirrande tur heim.

#1 Feil not found IPA

Grainfatheren i hus. Dessverre mangla setta som var bestilt fra Hobbybryggeren i sendinga. Krise! Her skulle det bryggjast! Redninga blei trivelege folk på Vinbua. Grunna manglande Citra humle blei det eit kit der og, basert på Syntax Error IPA frå Aasbakkane Garasjebryggeri. IPA med mykje humle er som kjent det enklaste ølet å starte bryggje karriera med…. Heldigvis var eg for urøynd til å vite de.

IMG_1284

Eit lite tipse til alle nybyrjarar: SKRU SAMAN ALT PÅ FORHAND SLIK AT DU KAN KONSENRERE DEG OM FØRSTE BRYGGET!!!

Sidan tolmod ikkje alltid er mi sterke side, så sette eg i gang så rask som mogeleg etter eg hadde alt på plass. Grainfatheren blei montert og testa med vatn laurdag. Søndag var eg i gong, og med litt verktøy lånt frå naboen blei skruane på maltmølla stramma slik at målinga kunne starte. Med montering av diverse undervegs blei det ikkje tid til å sjå opp igjen instruksjonsvideoen frå Grainfather. Difor fekk eg ikkje med meg at det var viktig å røyre godt når kornet gjekk inn, samt at rista på topp skulle trykkast ned før skyljing. At ein må bruke Grainfather kalkulatoren for å berekne vassmengda gjekk meg og hus forbi. Resultatet blei ein OG på 1.055, som er eit godt stykke under forventa OG.

IMG_1321

Oppskrift:

Forventa OG: 1.068

Forventa FG: 1.012

Batchvolum: 20-22 liter

Korn:

Pale Malt: 5,2 kg (80%) Munich Malt: 1 kg (15%) Carapils: 0,3 kg (5%)

Humle:

60min:

50 gr Chinook

15 min:

12,5 g Dr Rudi 12,5 g Simcoe

1 min:

10 g Cascade 20 g Simcoe 10 g Chinook

Etter 7 dager:

10 g Dr Rudi 30 g Cascade 15 g Simcoe

Gjær:

1 pakke US-05 tørrgjær

Koking: 60 min

Mesking:

60 min 65 grader 10 min 78 grader

Gjæring:

14 dager på 21 grader

IMG_1286

Det var uansett ein lukkeleg mann som fekk fylt karet med eige vørter. Litt usikker på korleis ein skulle behandle tørrgjæra så brukte eg EDB reiskapen, og fann eit tips på at ein skulle koke opp eit par desiliter vatn. Vente til det hadde ca 20 grader. Drysse gjæra i vatnet. Vente 15 minutt. Røyre i gjæra. Vente nye 15 minutt. Grunnen til denne metoden er at tørrgjæra er kjennslevar i første møte med væske. Med denne metoden kan ein unngå at halvparten av gjær cellene døyr av sjokk i møte med vørteret, samt at ein styrkar cellemembranen slik at gjæra blir meir effektiv.

Då var det berre å skru saman oksygeneringa. Full drus i 60 sekund. På med lokket og gjærlås, og så var eg i gong.

Når ein bryggjar for første gong er det greitt å alliere seg med kjente med brygge erfaring. Nabo, Hans Eivind, kom innom med jamne mellomrom og hjalp til i kritiske fasar. Det var til stor hjelp når kunnskapen min ikkje nødvendigvis var til stades i alle fasar.

Utstyr

Ein kompis av meg meiner at dess dyrare ein hobby er, dess meir moro har ein det. No viste det seg dessverre at ølbrygging ein særs morosam hobby…. Det er bryggjaren, saman med utstyret som gjer ølet, men ein kan forenkle prosessen og spare tid ved å ha riktig utstyr. Det finnest vel eit utal spesialtilpassingar i dei forskjellege heimebryggjeri rundt omkring, og den som har tid og interesse for å lage eigne løysingar, kan kome langt utan store investeringar.

IMG_1272

Ein av dei viktigaste komponentane er bryggjekjelen. Her finn ein alt frå kjelevariantar til automatiserte bryggemaskiner. Eg ønska ikkje å lage dette frå grunnen sjølv, så eg enda med å sjå rundt på interweben etter bryggemaskiner. Utvalet er kanskje ikkje heilt det største, men for meg så handla det etter kvart om BeerBrew 30 eller Grainfather. Speidel Braumeister var sjølvsagt den ein helst skulle gå for, men denne blei utelatt frå vurderinga grunna pris. Beer Brew 30 er vel inngangsporten for mang ein hobbybryggjar, men etter å ha konferert med tidlegare eigarar av Beer Brew 30 om temperaturproblem osv, enda eg med ein Grainfather. Dette er ein alt i eitt bryggjerimaskin, og ein kan vel kalle det folkevarianten av Speidel Braumeister. Eg skal skrive litt meir om Grainfatheren seinare når eg får brukt den nokre gangar.

IMG_1278

I tillegg er gjæringa ein særs viktig del av ølbrygginga. Det er viktig å ha god temperaturkontroll her. Eg enda med eit kjøleskap med ein STC-1000 og frostvakt frå Biltema. I byrjinga vil eg nytte eit stort kjøleskap slik at eg kan ha to gjøringstankar i drift samtidig, men på sikt så blir det eit mindre kjøleskap som har plass til ei bøtte.

IMG_1328

Link til korleis ein set opp temperaturstyring med STC1000 finn ein her: Temperaturstyring på 1-2-3 frå Sambryggeriet

I tillegg så er det ein del ting som ein bør/må ha:

  • Rustfri skje
  • Whirlfloc T 100g (Klaringmiddel)
  • Hydrometer med testrør
  • Gjæringsbøtte 30 liter med kran
  • 2 stk gjæringsbøtte 30 liter
  • Flaskefyllar / Tappestang Kraftig
  • Star San 16 oz (Desinfeksjon)
  • Pumpeflaske for Star San
  • Flaskeskyllar med pumpe
  • Flaskestativ 81 flasker
  • Flaskebørste nylon
  • Termometer
  • PBW 450g (vaskemiddel)
  • Erlenmeyerkolbe 5000 ml (Viss ein skal bruke fersk gjær)
  • Magnetrøyrar (Viss ein skal bruke fersk gjær)
  • Maltmølle komplett. Gir fersk maling av korn.
  • Refraktometer. Greitt å ha til måling, men ein klarer seg med hydrometer
  • Flasker
  • Oksygeneringsutstyr til gjæringskar
  • STC-1000 til temperaturstyring
  • Kjøleskap både til lagring av øl og gjæring.
  • Kar til vasking av utstyr

Med dette lille utvalet av utstyr, så er det bare å starte brygginga!

Meg

IMG_0722

For å ta nokre ord om mannen bak DjupdalsBrygg, så heiter eg Lars Kristian Dybdal. Eg har etter kvart hamna på Gåseidmarka i Ålesund. Her bur eg saman med sambuaren min Therese og hunden vår Bella. I det daglege så jobbar eg med slike EDB greier, og trivest med det.

Når det kjem til øl så må eg vel seie at eg er svak for sjangeren APA og IPA. No kan no det bety so mangt, men det er vel der favorittane finnest. Det er jo sjølvsagt og mange andre ølsortar som fell i smak, og eg har som mål å prøve å brygge litt forskjellig.

Eg har tenkt å skrive bloggen min på nynorsk, då eg kjenner at Are Kalvø vekte meg med teksten sin:

«Eg kjenner ein som bytte frå nynorsk til bokmål då han begynte på vidaregåande. I dag er han einsam, ugift, arbeidslaus, alkoholisert og ute av stand til å gjere greie for seg. Luktar gjer han også. Alle eg kjenner som heldt på nynorsken då dei begynte på vidaregåande, har i dag interessante og godt betalte jobbar, menge gode vennar og ekstremt stimulerande kjærleiksliv. Dessutan ser dei veldig bra ut, alle som ein. Fine tenner har dei også. Eg berre nemner det.»